එදා භාරතීය සමාජයේ ඇතිවූ මෙම ප්‍රශ්ණය මාතෘකා කරගනිමින් දේශණා කරනලද මහා සීහනාද සූත්‍රයෙන්......
-- සුනක්ඛත්ත නම් ලිච්ඡවිපුත්‍රතෙම මේ ශාසනයෙන් ඉවත්ව ගොස් නොබෝ කල් ඇත්තේ වෙයි. හෙතෙම විශාලා මහනුවර පිරිස්වලට මෙබඳු වචන කියයි.
“ශ්‍රමණ ගෞතමයන්ට මනුෂ්‍ය ධර්මයට වැඩිවූ, ආර්ය භාවයක් ඇති කිරීමට සමර්ථ විශේෂ නුවණක් නැත්තේය. ශ්‍රමණ ගෞතම තෙම කල්පනාවෙන් සලකා නුවණින් විමසා තමහට වැටහෙන්නාවූ ධර්මයක් දෙශනාකරයි. ඒ ශ්‍රමණ ගෞතමයන් විසින් යම් අර්ථයක් සඳහා ධර්මය දෙනා කරන ලද්දේද,ඒ ධර්මය තෙම ඊට අනුව ක්‍රියාකරන්නහුගේ දුක් විනාශකිරීම පිණිස පවතී ”--
එකල්හි මේ කරුණ සාරිපුත්ත මහරහතන් වහන්සේට අසන්නට ලැබී, බුදුරජාණන් වහන්සේට සැල කරනු ලදුව, උන්වහන්සේ ඊට පිළිතුරු ලෙස මෙසේ සූත්‍ර දේශණාව ආරම්භ කළ සේක.
“ශාරීපුත්‍රය, සුනක්ඛත්ත හිස් පුරුෂතෙම කෝපවන්නෙකි. ඔහු විසින් ක්‍රොධයෙන්ම මේ වචන කියනලදී.“
“ශාරීපුත්‍රය, ඒ සුනක්ඛත්ත නම් හිස් පුරුෂතෙම තථාගතයන්ගේ අගුණයක් කියන්නෙමියි සිතා තථාගතයන්ගේ ගුණයක්ම කියයි.“
“ශාරීපුත්‍රය, තථාගතයන් විසින් යමක් සඳහා ධර්මය දෙශනා කරන ලද්දේද ඒ ධර්මයතෙම ඊට අනුව ක්‍රියාකරන්නහුගේ දුක් නැති කිරීම පිණිස පවතී” යයි යමෙක් කියා නම් එය තථාගතයන්ගේ ගුණයක්මය.
“ශාරීපුත්‍රය, සුනක්ඛත්ත නම්වූ ඒ හිස් පුරුෂයාහට මා පිළිබඳ ධර්මානුකූල අවබෝධයක් නැත්තේය. මේ කාරණයෙන්ද ඒ භාග්‍යවත්තෙමේ අර්හත්ය, සම්‍යක් සම්බුද්ධය, අෂ්ට විද්‍යාවෙන් හා පසළොස්චරණ ධර්මයෙන් යුක්තය, සුගතය, සියලු ලෝකය දන්නේය. දමනය නොකළහැකි පුරුෂයන් දමනය කිරීමෙහි සාරථියෙකු වැනිය. දෙවි මිනිසුන්ට අනුශාසනා කරන්නේය. බුද්ධය, භගවත්යයි (මා පිළිබඳ දැනීමක් නැත්තේය.) “..........
සූත්‍ර පිටකය ~ මජ්ජිම නිකාය ~ සීහනාද වග්ගය ~ මහා සීහනාද සූත්‍රය
මුල් කොටස පමණක් මෙහි උපුටා දක්වා ඇති මෙම දීර්ඝ සූත්‍ර දේශණාවදී බුදුරජාණන් වහන්සේ තමන් වහන්සේ පිළිබඳව හඳුන්වාදෙනු ලබන්නේ තමන් වහන්සේ බුද්ධත්වය සඳහා පැමිණි මාර්ගය විස්තර කරමිනි. එහි දුෂ්කර ක්‍රියා පිළිබඳව ඉතාම විස්තරාත්මකව දේශණා කර ඇත.
බුදුරජාණන් වහන්සේ පිළිබඳව විවිධ මතිමතාන්තර සහිත සමාජය උන්වහසේව ගුණ වශයෙන් නොහඳුනයි. ධර්මානුකූලව උන්වහන්සේව තේරුම් ගැනීමක් නොමැත. එය එකලද තිබුනු තත්වයකි.
සූත්‍ර පාඨ උපුටා ගැනීම: www.pitaka.lk
Image From with Thanks: www.awesomestories.com
කරුණාකර උච්ඡේද වාදය ගැන කරුණු ටිකක් කියාදෙන්න.
ReplyDeleteඋච්ඡේද වාදය යනු " ජීවත්වන සත්වයා තුල ආත්මයක් ඇත.එනම් තමා හට පාලනය කල හැකි යමක් ඇත. මරණින් පසු ඒ ආත්මයත් ශරීරය සමඟම විනාශ වී යයි. මරණින් මතු කිසිවක් නොමැත, සියල්ල මරණයෙන් අවසක් වේය " යන්න ප්‍රකාශ කරන වාදයයි.
Deleteමෙම වාදය ආකාර 7කින් පැවතී ඇත. දීඝ නිකායේ පළමු සූත්‍ර දේශණාව වන බ්‍රහ්මජාල සූත්‍රයේ මෙම ආකාර 7 ම විස්තරාත්මකව පැහැදිලි කර ඇත.
ශාස්වත වාදය යනු කුමක්දැයි කියා දෙන්න
ReplyDelete